Argentinalı hücumçu Lautaro Martinez yığmadakı qolların sayına görə əfsanəvi Dieqo Maradonaya çatıb.

Futbolçu bunu DÇ-2026-nın seçmə mərhələsində, Peru millisi ilə oyunda gerçəkləşdirib.

Matçın 55-ci dəqiqəsində hesabı açan 27 yaşlı futbolçu qollarının sayını 32-yə çatdırıb.

Hazırda Argentina millisində ən çox qol vuranların siyahısına Lionel Messi (112) başçılıq edir. 

Qeyd edək ki, Argentina - Peru matçı “tanqoçular”ın 1:0 hesablı qələbəsi ilə başa çatıb.