Abşeron rayonunda fəhlə iş yerində ölüb.

Rayon prokurorluğu xəbər verir ki, mayın 30-u saat 11 radələrində Abşeron rayonu ərazisində yerləşən anbarların birində fəhlə işləyən 1976-cı il təvəllüdlü Tahir Əhmədovun iş yerində aldığı xəsarətdən ölməsi barədə məlumat daxil olub.

İlkin araşdırmalarla T.Əhmədovun iş yerində nərdivandan yıxılması nəticəsində almış olduğu xəsarətdən ölməsinə əsaslı şübhələr müəyyən edilib.

Faktla bağlı Abşeron rayon prokurorluğunda araşdırma aparılır.