Türkiyənin İğdır şəhərində ölümlə nəticələnən yol qəzası olub.

Yerli media bildirir ki, hadisə Karakoyunlu qəsəbəsi Taşburun kəndi istiqamətində qeydə alınıb. Biri taksi olmaqla, iki minik avtomobili toqquşub.

Nəticədə taksi avtomobilində olan azərbaycanlı Kamilə Məhərrəmli həyatını itirib. Daha 4 nəfər yaralanıb.

Hadisə ilə bağlı cinayət işi başlanılıb.

Qeyd edək ki, K. Məhərrəmlinin 3 ay əvvəl də bir qəzada yaralandığı bildirilir.