Bərdədə kanalda batan şəxsin intihar etdiyi məlum olub.

Məlumata görə, Bərdə şəhər sakini 21 yaşlı Əhmədov Vüsal Vahid oğlu sentyabrın 23-ü axşam saatlarında rayonun Alpout kəndinə gedərək özünü Yuxarı Qarabağ kanalına atıb.

Onun niyə intihar etdiyi hələlik məlum deyil.

Hazırda onun meyitinin tapılması istiqamətində axtarış işləri davam etdirilir.

***

Saat: 12:29

Bərdədə 1 nəfər kanalda batıb.

Bu barədə Fövqəladə Hallar Nazirliyinin "112" qaynar telefon xəttinə daxil olan müraciətdə bildirilib. Qeyd olunur ki, Yuxarı Qarabağ kanalının Bərdə rayonu, Alpout kəndi ərazisindən keçən hissəsində 1 nəfər batıb. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Əlavə məlumat veriləcək.


Paylaş: