Bakı-Qazax yolunda zəncirvari qəza olub.

RegionXəbərləricom.az “Report”a istinadən xəbər verir ki, hadisə Bakı-Qazax yolunun Hacıqabul rayonunun Padar kəndi ərazisindən keçən hissəsində qeydə alınıb.

Belə ki, Gəncə istiqamətində hərəkətdə olan “Mercedes” markalı mikroavtobus, “Toyota”, “Fiat” və “Opel” markalı minik avtomobilləri toqquşub.

Hadisə nəticəsində avtomobillərdə olan 5 nəfər müxtəlif dərəcəli ağır bədən xəsarətləri alaraq Kürdəmir rayon Mərkəzi Xəstəxanasına aparılıb və həkim nəzarətinə götürülüb.

Onlar 43 yaşlı Bayramova Fərqanə Lətif qızı, 34 yaşlı Qurbanova Türkanə Səfi qızı, 36 yaşlı Daşdəmirova Ramilə Əli qızı, 68 yaşlı Rüstəmov Arif Lətif oğlu və 54 yaşlı Məmmədova Qərənfil Lətif qızıdır.

Faktla bağlı araşdıra aparılır.