“Azərbaycan Silahlı Qüvvələri (SQ) 2020-ci ilin noyabr ayında bağlanmış müqavilələri pozaraq Şuşa rayonu ərazisində qoşunların təmas xəttini keçərək postun mühəndis avadanlıqları ilə hərəkətə başlayıb”.

Bu barədə Rusiya Müdafiə Nazirliyi məlumat yayıb.

“2023-cü il martın 25-də Azərbaycan Silahlı Qüvvələrinin bölməsi Azərbaycan Prezidentinin, Ermənistanın Baş nazirinin və Rusiya Prezidentinin 9 noyabr tarixli bəyanatının 1-ci bəndini pozaraq, , 2020-ci il təvəllüdlü Şuşa rayonu ərazisində qoşunların təmas xəttini keçərək 2054,0 (Sarıbaba dağından 2,9 km şimal-şərq) hündürlüyü zəbt edərək postun mühəndis avadanlığı ilə hərəkətə başlayıb”, - deyə məlumatda bildirilib.

Qeyd edək ki, Azərbaycan Müdafiə Nazirliyinin bu gün yaydığı məlumatda qeyd olunub ki, son günlər Ermənistandan Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınması intensivləşib:

“Yaranmış vəziyyət nəzərə alınaraq Laçın yolunun şimalındakı torpaq yollarından qeyri-qanuni fəaliyyətlər üçün istifadənin, eləcə də Ermənistan tərəfindən silah-sursat daşımaqla vəziyyətin gərginləşməsinin və potensial təxribatların törədilməsinin qarşısının alınması məqsədilə Azərbaycan Ordusunun bölmələri tərəfindən lokal zəruri nəzarət tədbirləri həyata keçirilib".