Ukraynanın nüvə statusunun ehtimal olunan bərpası müxtəlif, o cümlədən Böyük Britaniya, Polşa və Baltikyanı ölkələrin iştirakı ilə subregional birliyin yaradılması kontekstində nəzərdən keçirilə bilər.

Bu barədə UNİAN müxtəlif ekspertlərə istinadən məlumat yayıb.

Tələs, bitmədən sən də al. Fürsətlər tükənmədən tətbiqə gəl!

Yeni Geosiyasət Araşdırmaları Şəbəkəsinin direktoru Mixail Samus ukraynalı ekspertlərin “Qələbə üçün daxili planın müdafiə aspektlərinə baxış” adlı sənədi hazırlamasından danışıb:

"Biz orada hətta Ukraynanın nüvə doktrinasına da toxunduq. Bu, nə qədər mübahisəli məsələ olsa da, hesab edirik ki, buna Ukraynanın milli maraqları nöqteyi-nəzərindən baxmağın vaxtı çatıb. Əvvəlcə Ukraynanın milli maraqları, sonra isə növbəti məsələ. Böyük ölkələr, yetkin dövlətlər belə davranırlar. İnanıram ki, biz bu sualları verə biləcək dərəcədə böyümüşük".

Hərbi ekspert Valentin Badrak isə bildirib ki, nüvə məsələlərinə dair bir sıra məsləhətləşmələr aparılıb:

"Başa düşürük ki, nüvə silahı yaratmaq üçün texnoloji potensial siyasi qərarlara tabedir. Ona görə də deyə bilərik ki, Ukrayna öz qeyri-nüvə statusuna yenidən baxmaq və nüvə statusu almaq üçün texnoloji potensiala malikdir"./Axar.az