Ukraynada böyük müharibə davam edərkən, Çin Rusiyaya pilotsuz təyyarələrin tədarükünə kömək edir.

“The New York Times” qəzetinin yazdığına görə, Ukraynaya genişmiqyaslı müdaxilədən sonra ÇXR Rusiya Federasiyasına 12 milyon dollardan çox dəyəri olan pilotsuz təyyarələr göndərib.

Qeyd olunub ki, bu da bu ölkələr arasında “sakit əməkdaşlıq” olduğunu göstərir.

NYT-nin məlumatına görə, 70-ə yaxın Çinli ixracatçı işğaldan sonra Rusiyaya 26 müxtəlif markalı Çin pilotsuz təyyarəsi satıb. Təyyarələrin istehsalçısı ikinci ən böyük dron markası olan “Autel”dir. Şirkətin ABŞ, Almaniya və İtaliyada filialları var.

“Autel” elektron poçt vasitəsilə verdiyi açıqlamada Rusiyaya hər hansı satışdan xəbərdar olmadığını və daxili araşdırma apardığını söylədi.