Belarus hökuməti orduya "müharibəyə hazır olmaq" əmrini verib.

Ölkənin sərhəd bölgəsində Rusiya ordusu ilə birgə təlimlərin keçirilməsinə başlanılıb.

Bildirilib ki, keçirilən təlimlər zamanı ordu maşınlarında Rusiya ordusunun Ukraynada istifadə etdiyi “Z” simvoluna oxşar işarələrin olması diqqət çəkib.

Bu da öz növbəsində Belarusun Ukraynadakı müharibəyə qoşula biləcəyi ilə bağlı proqnozları artırıb.

Qeyd edək ki, Belarus Prezidenti Aleksandr Lukaşenko ordusunu Ukraynadakı münaqişəyə cəlb etməkdən çəkindiyini qeyd edib, lakin Belarus ərazisinə hücumlar olarsa, ordunun buna cavab verəcəyini də vurğulayıb.