İran İslam İnqilabı Keşikçiləri Korpusunun briqada generalı Əli Naseri İsrailin xeyrinə casusluq etməkdə şübhəli bilinərək həbs edilib.

Bu barədə “The New York Times” qəzeti məlumat yayıb.

Nəşrin mənbələri bildirib ki, məlumatların təhlükəsizliyinə cavabdeh olan hərbçinin həbsi faktı gizli saxlanılır.

Vurğulanır ki, daha əvvəl raketlərin hazırlanması ilə məşğul olan onlarla şəxs İran xüsusi xidmət orqanları tərəfindən həbs edilib. Onlar gizli məlumatları xarici kəşfiyyata ötürməkdə şübhəli bilinirlər.

İran rəsmiləri bu xəbərləri şərh etməkdən imtina ediblər.