Pakistan hökuməti ölkənin hazırkı prezidenti Arif Alvi, Ədalət Hərəkatı partiyasına rəhbərlik edən keçmiş baş nazir İmran Xan və Milli Assambleyanın keçmiş vitse-spikeri Qasim Surinin vətənə xəyanət və qanun pozuntusu ittihamı ilə mühakimə olunmasını tələb etmək niyyətindədir.

Bu barədə hökumətdəki mənbələr məlumat verib.

Bildirilib ki, Suri prezident Alvinin icazəsi və İmran Xanın tələbi ilə qanunvericilərin sabiq baş nazirə və onun kabinetinə etimadsızlıqla bağlı səsverməni qeyri-qanuni olaraq əngəlləyib və milli məclisi buraxıb, bununla da qanunları pozub.

Qeyd edilib ki, apreldə hakimiyyətə gələn baş nazir Şahbaz Şərif hökuməti Alvi, Xan və Surinin vətənə xəyanətlərini ifşa edən dəlilləri toplayıb və Pakistan Ali Məhkəməsinə təqdim edib.