Qarabağdakı 44 günlük müharibədən sonra bütün çayların mənbəyi düşmənin ( red – Azərbaycanın) nəzarətinə keçib.

KONKRET.az xəbər verir ki, Ermənistanın su ilə təminatının təhlükədə olması haqda separatçılardan biri – David Babayan həyəcan təbili çalıb. O bildirib ki, Sevan (Göyçə gölü) gölündən qidalanan iki çay – Arpa və Bərgüşad (Ermənistan ərazisində vorotan adlanır) Azərbaycanın Qarabağ ərzisində yerləşir: “Müharibədən əvvəl Dağlıq Qarabağ su təminatı və təhlükəsizliyinə görə, dünyada lider bölgələrdən idi. Amma indi Ermənistan su təhlükəsizliyi baxımından həssas ölkələr sırasındadır. Biz nə isə etməliyik, gələcəkdə su problemi yaşamamaq üçün Arpa və Bərgüşad çaylarının keçdiyi rayonları ya rus sülhməramlılarının, ya da ATƏT-in Minsk Qrupunun müşahidəçilərinin nəzarəti altında saxlamağa çalışmalıyıq” – deyə Babayan əlavə edib.

Görünən odur ki, uzun illərdir Azərbaycanın çaylarını və su anbarlarını işğal altında saxlayaraq istədikləri kimi istifadə edən ermənilər indi ciddi problemlə üzləşiblər. Ancaq Babayan və onun kimiləri bir şeyi unudur: Qarabağ artıq öz doğma sahibinə – Azərbaycana qovuşub və onun tərkib hissəsidir. Ermənilərin isə bu reallıqla barışmaqdan başqa çarəsi yoxdur.


Paylaş: