Xəbər verdiyimiz kimi, müğənni Rəqsanə İsmayılova ötən həftə oğlu Məhəmməd Əliyə kiçik toy edib.

O, Bakıdakı restoranlardan birində baş tutan məclisə türkiyəli məşhur müğənni Linet Menaşini dəvət edib. Rəqsanənin həyat yoldaşının Linetə brilyant üzük hədiyyə etməsi isə gecəyə damğa vurub. Həmçinin, kiçik toyun olduqca dəbdəbəli keçməsi də diqqətlərdən yayınmayıb.

Cebhe.info-ya daxil olan məlumata görə, Rəqsanə oğlunun kiçik toyuna 200 min dollar (təqribən 340 min manat) pul xərcləyib. Onun həyat yoldaşının Linetə hədiyyə etdiyi brilyant üzüyün isə qiymətinin 40 min dollar (təxminən 68 min manat) olduğu deyilir.

Cebhe.info bu məlumatı Rəqsanə İsmayılova ilə dəqiqləşirməyə çalışıb. Müğənninin meneceri saytımıza açıqlamasında deyilənləri müəyyən qədər təsdiqləyib:

“Sizə hələ az deyilib. Əslində xərclənən məbləğ deyilənlərdən daha çoxdur”.