Dünya şöhrətli müğənni Britni Spirsin birinci həyat yoldaşı Ceyson Aleksandr ifaçının Sem Asqari ilə toyuna mane olmaq istəyib.

C. Aleksandr B. Spirsin evinə soxulub, instaqramda canlı efir aparmağa başlayıb.

O, planlarını həyata keçirə bilməyib. Müğənninin keçmiş əri mühafizə tərəfindən saxlanılıb. İndi baş verənlərlə hüquq-mühafizə orqanları məşğul olacaq.

Toyda 80-ə yaxın qonaq iştirak edib. Onların arasında Peris Hilton, Drü Berrimor, Keyt Hadson, Selena Qomes, Donatella Versaçe və digər məşhurlar olub.

Müğənninin qohumları toya dəvət olunmayıb. Şənlikdə yalnız B. Spirsin qardaşı Brayan Spirs iştirak edib. Jurnalistlərin məlumatına görə, Britninin keçmiş əri Kevin Federlayndan olan oğullarını da toya dəvət etməyiblər.

“DailyMail”in yazdığına görə, B. Spirsin gəlinliyi “Versace”dən olub.