Sabirabadda məktəbli qızın ərə verildiyi iddia edilir.

Bu barədə Azərbaycan Uşaqlar Birliyi – Uşaq Sığınacağı Reinteqrasiya Mərkəzinin rəhbəri Kəmalə Ağazadə məlumat yayıb. O bildirib ki, qız evində toy ötən gün – mayın 31-də baş tutub və növbəti 2 həftə ərzində də oğlan evində toy olacaq:

“Bu gün nə günüdür?

Hə, uşaqların müdafiə günü,özü də beynəlxalq ...

Dünən müdafiə günü olmadığından Sabirabad rayonu Qəzli kəndində 9-cu sinif şagirdinin qız toyu olub. 1-2 həftəyə də oğlan toyu olacaq və o da müdafiə gününə təsadüf etməyəcək. Qızın adını yazmayacam, ananın adı isə Zöhrədir...

Yəni dediyim odur ki, toyu olan uşağın bayramı "mübarək"!!!”

Daxili İşlər Nazirliyinin (DİN) Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirilib ki, məsələ araşdırılır.