"Rosselxoznadzor"un Dağıstan üzrə idarəsinin mütəxəssisləri Azərbaycandan 152 ton məhsulun idxalına qadağa qoyub.

“Moskovski Komsolets” xəbər verir ki, söhbət ümumən 152 ton olan bitki məhsullarının 9 partiyasından gedir.

“Yaraq-Kazmalyar” və “Tağırkənt-Kazmalyar” beynəlxalq nəzarət-buraxılış məntəqələrində sənədlərə baxış zamanı Azərbaycandan etibarsız fitosanitar sertifikatı olan məhsulların gətirildiyi aşkar edilib.

Məhsullar ixracatçı ölkəyə qaytarılıb.

Bundan başqa, “Viaduk” gömrük-logistika terminalında aparılan təkrar yoxlama zamanı Azərbaycandan daxil olan 18 partiyada ümumi çəkisi 400 tondan çox olan pomidor, kartof və almada zərərvericilər aşkar edilib.

Çirklənmiş məhsullar dezinfeksiyaya göndərilib və təkrar yoxlamadan sonra sərbəst dövriyyəyə buraxılıb.