Avropalı alimlər əsrin sonuna qədər 30 milyon insanın həyatının ciddi təhlükə altında olduğunu bildirib. Ekoloji problemlər, qlobal istiləşmə və bu kimi səbəblərdən insanlar üçün həyatın olduqca çətinləşəcəyi gözlənilir.

Alimlərin analizlərinə əsasən, 2100-cü ilə qədər şirin su ehtiyatlarının kəskin sürətdə azalması quraqlığa gətirib çıxaracaq və bu təsərrüfat işlərinə ciddi zərbə vuracaq. Digər bir səbəb isə zavodların və avtomobillərin havaya buraxdığı karbon qazı ilə bağlıdır. 

Sözügedən dəyişikliklərə həssas yanaşan, orqanizmi susuzluq və çirkli hava şəraitinə öyrəşə bilməyən 30-50 milyon insanın bu zaman zərfində həyatını itirməsi ehtimalı var. Dəhşətli proqnozla bağlı bir çox elm adamları həyəcan siqnalı verir.