"Müdafiə Nazirliyi karvansaradır ki, hər yoldan ötən gedib orada video çəksin?”

Bu sözləri təhlükəsizlik məsələləri üzrə ekspert Ərəstun Oruclu bildirib.

“Bunu araşdırmaq nə böyük işdir? Şəhidin qardaşından soruşun desin. Bunun üçün nə Ceyms Bond, nə də Ştirlits olmağa ehtiyac yoxdur”, - deyə o qeyd edib.

Xatırladaq ki, Eynulla Fətullayev uşaq evində böyüyən şəhid Səbuhi Əhmədovun qardaşı Sənan Əhmədovla şəklini paylaşaraq fotonun Müdafiə Nazirliyində çəkildiyini bildirmişdi. Şəhid qardaşının həmçinin eyni yerdən üzr videosu yayılmışdı. Bu isə sosial şəbəkələrdə ciddi tənqid olunub. Müdafiə Nazirliyi isə açıqlama verərək  “sosial şəbəkələrdə paylaşılan məlum foto və video görüntülərin Müdafiə Nazirliyi ilə heç bir əlaqəsi yoxdur” – deyə bildirib. Sosial şəbəkələrdə müzakirə edilən digər bir məsələ isə jurnalist Eynulla Fətullayevin rahat şəkildə Müdafiə Nazirliyində görüntü çəkib paylaşa bilməsidir.