Böyük Britaniyanın müdafiə naziri Ben Uolles Rusiyanın beynəlxalq nüfuzunun getdikcə aşağı düşdüyünü və bu vəziyyətin yaxın illərdə dəyişmə ehtimalının olmadığını bildirib.

Ben Uolles bu haqda İngiltərənin paytaxtı Londonda təşkil etdiyi müdafiə və təhlükəsizlik konfransında çıxışı zamanı danışıb.

“Uzun müddətdə və bir növ qlobal makro mövqeləşdirmədə Rusiya artıq uduzub”.

Rusiyanın beynəlxalq reputasiyasının əvvəldən çox az olduğunu deyən Uolles, Rusiya hökumətinin indiki mövqeyini davam etdirdiyi müddətcə bu vəziyyətin yaxın bir neçə ildə dəyişmə ehtimalının olmadığını deyib:

“Biz sona qədər Ukraynanın yanındayıq. Ümid edirəm ki, sonda Rusiya Ukraynadan çıxacaq və Ukraynanın güclü mövqeyə malik olduğu və gələcəyi ilə bağlı nə etmək istədiyini seçə biləcəyi danışıqlar mövqeyinə keçməyə məcbur olacaq”.