ABŞ Prezidenti Co Bayden Ukraynaya səfər edib.

Bu barədə “Bild” qəzetinin jurnalisti Julian Repke tvitter hesabında paylaşım edib.

“Bayden Kiyevdədir. 360 gün Rusiyanın nəzarəti altında qalmalı olan şəhər. Diktator Putin üçün nə qədər güclü işarədir”, - paylaşımda bildirilib.

Daha sonra Julian Repke əlavə edib ki, Baydenin Kiyevə səfəri ilə bağlı heç bir təsdiqi yoxdur.

“Bu, sadəcə mənim şəxsi fikrimdir”, - o yazıb.

Qeyd edək ki, Ukrayna Prezidenti Volodimir Zelenski Baydenin Kiyevə səfərini təsdiqləyib. O, bu barədə sosial şəbəkə hesablarında paylaşım edib:

“Cozef Bayden, Kiyevə xoş gəlmisiniz. Sizin səfəriniz bütün ukraynalılar üçün son dərəcə mühüm dəstəyin təzahürüdür”.