ABŞ davam edən hərbi yardımın bir hissəsi olaraq Ukrayna ordusunu daha çox sursatla təmin edəcək. \

Bu barədə Ağ Evin mətbuat katibi Cen Psaki ABŞ prezidentinin Nyu-Hempşirə uçan təyyarəsinin göyərtəsində jurnalistlər üçün keçirdiyi brifinqdə bildirib. "Təbii ki, biz onlara daha çox döyüş sursatı verməkdə davam edəcəyik, həmçinin daha çox hərbi yardım göstərəcəyik. Aydındır ki, təsdiq edilmiş hərbi yardımdan daha çox vəsait ayıra bilərik. Bu məsələnin konkret təfərrüatları Müdafiə Nazirliyi və milli təhlükəsizlik komandamızla birlikdə hazırlanır. Buraya döyüş sursatı və gözlədiyim kimi, müxtəlif silahlar da daxildir”, - deyə Psaki cavab verib.