Pentaqon İsrail və İran arasında münaqişənin şiddətləndiyi təqdirdə “B-52” bombardmançı təyyarələrin istifadəsi də daxil olmaqla bir neçə addım atmaq variantını nəzərdən keçirir.

Bu barədə “Əl-Cəzirə” özəl mənbəyə istinadən xəbər yayıb.

“Pentaqon İranla diplomatik səylərin nəticəsiz qalacağı təqdirdə hərəkət variantları təqdim etməklə öz funksiyalarını yerinə yetirir. “B-52” bombardmançı təyyarələri bu variantlardan biri hesab olunur” - deyə telekanalın mənbəsi deyib.

Bu qırıcı təyyarələrin Hind okeanındakı Dieqo Qarsiya adasındakı ABŞ aviabazasında yerləşdirildiyi qeyd olunub.