“Azərbaycan-Gürcüstan sərhəddində yerləşən “Keşkçidağ” Alban monastırı ilə bağlı yaranmış insident sakitləşdikdən sonra məbədin yenidən xristianların üzünə açılması dövlətimizin tolerantlığının sübutudur”.

regionxeberlericom.az bildirir ki, bunu Sherg.az-a açıqlamasında politoloq, Vəhdət Partiyasının sədr müavini Vasif Əfəndiyev deyib.

Partiya rəsmisi bildirib ki, məbəd ətrafında yaranmış qalmaqalda təxribatçıların iki ölkə arasında münasibətləri gərginləşdirmək planları baş tutmadı:

“Gürcüstanda normal düşüncəyə sahib insanlar anlamalıdırlar ki, bu gün torpaq iddası heç də onların xeyrinə deyil. Gürcüstanda yaşayan soydaşlarımız da özlərini çox təmkinlə apardılar. Onlar da eyni tərzi sərgiləmiş olsaydılar, gürcü hakimiyyəti çox çətin duruma düşə bilərdi. Azərbaycan öz torpaqlarının bir qarışını da güzəştə getməyəcək. Bu yaxınlarda həmin ərazilərdə sərhəd zastavasının açılması ən doğru addımdır. Bundan sonra başqa ölkələrin xristianları Azərbaycanda olan dini məbədləri ziyarət etmək üçün beynəlxalq hüquq normalarından istifadə etməyə məcbur edilməlidir. Azərbaycanın sərhədləri açıq qapı deyil ki, ürəyi istəyən icazəsiz keçid etsin?!”.

Politoloq vurğulayıb ki, Azərbaycan öz ərazilərində olan xristian məbədlərinə diqqəti bir qədər də artırmalıdır:

“Bu məbədlər bizim xristian keçmişimizə aiddir. Hesab edirəm ki, bütün Alban məbədlərimiz təmir olunaraq yenidən xristian vətəndaşlarımızın istifadəsinə verilməlidir. “Keşçidağ” monastrına isə yerli keşiş təyin olunmalıdır. Bu məsələ ilə bağlı təkliflərimi daha əvvəl vermişdim. Hətta təklifimə xristian vətəndaşlarımızdan müsbət reaksiyalar gəlmişdi. Məbədin keşişi vəzifəsinə iddiaçılar da var idi”.


Paylaş: