reklam
Regionxeberlericom.az » Sosial » Əli Kərimlidən Tofiq Yaqubluya qurultay öncəsi şifrəli mesaj - İLGİNC

reklam

Əli Kərimlidən Tofiq Yaqubluya qurultay öncəsi şifrəli mesaj - İLGİNC

Müsavat Partiyasında 9-cu qurultaya hazırlıq prosesi sürətlənib. Oktyabrın 12-də keçirilməsi nəzərdə tutulan qurultayın hesabat-seçki qurultayı olduğu bildirilir. Qurultayda partiya başqanının, mərkəzi nəzarət-təftiş komissiyasının hesabatları dinləniləcək. Təşkilat məsələlərə baxılacaq, partiyanın başqanı, mərkəzi nəzarət-təftiş komissiyasının üzvləri və sərbəst Məclis üzvləri seçiləcək. Eyni zamanda proqram və nizamnaməyə müəyyən dəyişiklik və əlavələrin edilməsi nəzərdə tutulur.

Müsavat Partiyasının başqanlığına, eləcə də MNTK və Məclis üzvlüyünə namizəd olmaq istəyən şəxslərin müvafiq ərizə ilə Qurultaya Hazırlıq üzrə Təşkilat Komitəsinə müraciət etməsinə başlanıb. Divan üzvləri Yadigar Sadıqlı və Tofiq Yaqublu rəsmi olaraq Müsavat başqanlığına namizədliklərini irəli sürüblər. Bu barədə APA-ya partiya funksionerlərinin özləri məlumat verib. Bildiriblər ki, sentyabrın 24-də rəsmi qaydada Müsavat başqanlığına namizəd olublar. Partiyanın hazırkı başqanı Arif Hacılının da namizədliyini verəcəyi gözlənilir.

Yadigar Sadıqlı hələ namizədliyini şifahi açıqladığı zaman bildirib ki, partiyanın son 5 ildə idarə olunmasını qənaətbəxş hesab etmir: “Hesab edirəm ki, mənim başqan seçilməyim təkcə Müsavatda deyil, ümumilikdə demokratik düşərgədə ab-havanı kökündən dəyişər, yeni qüvvələrin axınına xidmət edər”.

Tofiq Yaqublu isə deyib ki, bütün demokratik təşkilatlarda seçkilər keçirilməlidir, Müsavatda da bu proses baş verir: “Hər bir partiya üzvünün seçkili qurumlara namizədliyini irəli sürməyə haqqı var. Müsavat demokratik təşkilatdır. Düşündüm ki, mən də iddiamı ortaya qoya bilərəm. Müsavat demokratik təşkilatdır. Burada kiminsə başqanlığa namizəd olması qeyri-adi bir məsələ deyil. Əgər mən başqan seçilərəmsə, Müsavatın ümumi xətti davam etdiriləcək. Təbii ki, nizamnamə çərçivəsində bu və ya digər korrektələr ola bilər. Düzü, indidən nə edəcəyimi açıqlamaq istəmirəm. Seçki platformam da hazır deyil. Qurultay zamanı qurultay nümayəndələrinə müraciətimdə nə etmək istədiyimi daha açıq və konkret deyəcəyəm. İstənilən halda hər bir fərd yeni bir nəfəs, yeni prinsip deməkdir. Mənim də fərqli düşüncələrim var. Hörmətli Arif Hacılı ilə yüzdə-yüz eyni düşünsəydim, heç namizəd olmazdım”.

Bəzi siyasi təhlilçilər isə hesab edir ki, 2014-cü ildə keçirilən qurultaydan sonra yaşananlara bənzər hadisələrin yaşanması istisna deyil: “O zaman da başqanlığa namizəd olub seçkini uduzan şəxslər az sonra Müsavatdan getdilər. Qubad İbadoğlu Azərbaycan Demokratiya və Rifah Hərəkatı, Tural Abbaslı isə AĞ Partiya adlı siyasi təşkilat yaratdılar. Onlarla birlikdə gedən tərəfdarları və partiyadan xaric edilənlər də həmin təşkilatlara qoşuldular. Bu dəfə isə Tofiq Yaqublunun partiyadan gedəcəyi halda yeni partiya yaratması ehtimalı azdır, onun AXCP-yə qoşulacağı ehtimalı daha böyükdür.

Məlumatlara görə, AXCP sədri Əli Kərimli Tofiq Yaqublunun Müsavat başqanı seçilməsində maraqlıdır. Seçilməyəcəyi halda isə Tofiq Yaqubluya AXCP sədrinin müavini postunu təklif edəcəyi ismarışını göndərib.

Yadigar Sadıqlının isə başqan seçilməyəcəyi halda REAL Partiyasına qoşulma ehtimalı var.

Lakin o da mümkündür ki, hər iki müsavatçı seçkilərin demokratik keçirildiyini əsas göstərib Müsavatdan ayrılmasınlar.
“Yeni Müsavat”


Paylaş:


Müəllif : Tarix:
27-09-2019, 09:33
Sikayət   


loading...
Загрузка...