UFC döyüşçüləri Hüseyn və Həsən Ashabov qardaşları həbs edilib. Onlar italyan biznesmenin evini qarət etməkdə şübhəli bilinirlər. 

Hüseyn və Həsənin sentyabrın 3-də adı açıqlanmayan iş adamının Pxuket adasındakı villasına girdiyi və bahalı əşyaları oğurladığı bildirilir. 

Daha sonra Dubaya gedən əkiz qardaş oradan Taylanda yollanıb və bir neçə gün sonra polis tərəfindən saxlanılıblar. Daha sonra onlar Qazaxıstana ekstradisiya edilib. 

Rusiyada doğulan, amma Fransa vətəndaşı olan Hüseyn və Həsənin villadan 2 milyon 476 min bat (100 min avro) dəyərində “Rolex Daytona”, 3 milyon 805 min bat (130 min avro) dəyərində “Patek Philippe Nautilius” və 1 milyon 660 min bat (60 min avro) dəyərində “GRAFF” saatları, bir ədəd “Macbook”, yeni “iPhone” 13 və “iPhone” 14, 2 günəş eynəyi götürdüyü məlumatlar arasında yer alıb.