İspaniya Kral Futbol Federasiyası (RFEF) “Real Madrid”in futbolçusu Vinisius Juniorun La Liqanın XXXV turunda “Valensiya” ilə oyunda aldığı qırmızı vərəqəni ləğv edib.

Qurumun rəsmi saytının yaydığı məlumata görə, qarşılaşmanın baş hakimi Rikardo de Burqos Benqoetxeanın insident haqqında tam məlumata malik olmaması və matçın protokolunda epizodu düzgün qiymətləndirməməsi səbətindən bu qərar qəbul edilib.

Xatırladaq ki, Vinisius Junior “Valensiya” ilə oyunda azarkeşlər tərəfindən irqçiliyə məruz qalıb. Qarşılaşmanın sonunda isə o, rəqib futbolçularla əlbəyaxa olduğu üçün birbaşa qırmızı vərəqə ilə meydandan qovulub.