Aprelin 24-də AFFA-ya məxsus olan və Binə qəsəbəsində yerləşən stadionda baş vermiş insidentlə bağlı cinayət işi açılıb.

Həmin gün orada keçirilən “Cəbrayıl” – “Energetik” (Mingəçevir) oyunundan sonra qonaq komandanın prezidenti, 1986-cı il təvəllüdlü Ruslan Həmidovun hərəkətləri ilə bağlı Xəzər Rayon Polis İdarəsində Cinayət Məcəlləsinin 221-ci (xuliqanlıq) maddəsi ilə iş açılıb. Belə ki, R.Həmidovun komandası ümumi nəticədə uduzduqdan sonra o, yerli azarkeşlərlə dalaşıb, daha sonra isə stadionun hamamındakı şüşəni sındırıb. Klub prezidenti şüşəni sındırarkən özü də xəsarət alıb.

Həmçinin oxuyun: Regionlar Liqasında biabırçılıq - Futbolçular hakimi döydü+Video

Faktla bağlı araşdırmalar davam etdirilir.

Qeyd edək ki, oyun Regionlar Liqasında 1/4 final mərhələsinin cavab oyunu çərçivəsində keçirilib. 0:0 hesabı ilə davam edən qarşılaşmada Mingəçevir təmsilçisinin futbolçuları baş hakimə etiraz ediblər, daha sonra referini döyüblər. Bundan sonra fit sahibi qarşılaşmanı dayandırıb.