"Milan"ın futbolçusu Zlatan İbrahimoviç İtaliya A seriyasında yeni rekord müəyyənləşdirib.

İsveçli hücumçu buna 28-ci turda "Fiorentina" ilə matçda (3:2) qol vuraraq nail olub.

Görüşün 9-cu dəqiqəsində hesabı açan İbrahimoviç bu mövsüm İtaliya çempionatında 15-ci matçında 15 qol vurub. O, buna 39 yaş 169 günlüyündə nail olub. Bu yaşda isə Zlatandan əvvəl heç kim A seriyasında bir mövsümdə 15 qol vura bilməyib.

Qeyd edək ki, "Milan"ın İbrahimoviçlə bu mövsümün sonu başa çatacaq müqaviləni yeniləyəcəyi gözlənilir.


Paylaş: