Bakıda motosiklet avtobusa çırpılıb. 

Məlumata görə, hadisə paytaxtın Abşeron rayonu, Masazır qəsəbəsi, Ə.Vahid küçəsində qeydə alınıb. 

Belə ki, 1997-ci il təvəllüdlü Rəşid Səfadə oğlu Mirzəyev “189 Delivery” çatdırılma şirkətinə məxsus ikitəkərli motosikletlə dayanacaqda dayanan Sədiyar Famil oğlu Mikayılov tərəfindən idarəedilən “Daevo” markalı “525” nömrəli sərnişin avtobusuna çırpılıb.

Daha sonra Rəşid Mirzəyev motosikletlə birgə, həmin istiqamətdə hərəkətdə olan Nəcəf Kazım oğlu Nəcəfovun idarə etdiyi “ZİL-130” markalı yük avtomobilinin qarşısına yuvarlanıb.

Nəticədə motosikletin sürücüsü Rəşid Mirzəyev aldığı xəsarətlərdən hadisə yerində ölüb.

Faktla bağlı Abşeron rayon polis idarəsinin cinayət işi başlanıb.