Ermənistanın hüquq-mühafizə orqanlarının əməkdaşları İrəvanın Azadlıq Meydanından 129 vətəndaşı polis bölmələrinə aparıblar.

“Sputnik Ermənistan” bu barədə idarənin mətbuat xidmətinə istinadən məlumat yayıb.

Hazırda müxalifətin mitinqi davam edir.

Qeyd edək ki, kütləvi etiraz aksiyasının iştirakçıları Ermənistanın Baş naziri Nikol Paşinyanın Qarabağla bağlı üçtərəfli bəyanat imzaladığı üçün onun istefasını tələb edirlər.

İştirak edənlər sənədin imzalanmasını “xəyanət” hesab edirlər.

Mitinqdə Ermənistanın keçmiş Baş naziri Vazgen Manukyan bildirib ki, əgər biz Nikolu qovmayacağıqsa, deməli, xalqımız ləyaqətsizdir.

Etirazçılar “Nikol xaindir” şüarları səsləndirirlər.

Hüquq-mühafizə orqanlarının əməkdaşları mitinq keçirilən yerə gəlməyə davam edirlər.

14:10

Ermənistanda polis ölkənin Baş naziri Nikol Paşinyanın Dağlıq Qarabağda üçtərəfli atəşkəs bəyanatının şərtlərini qəbul etmək qərarına qarşı mitinq keçirənləri saxlayıb.

“İnterfax” xəbər verir ki, 17 müxalif partiya İrəvanda Azadlıq meydanına toplaşıblar.

Polis etirazçıların saxlanılmasını ölkədə qüvvədə olan hərbi vəziyyət rejimi çərçivəsində kütləvi toplantıların qadağan olunması ilə əsaslandırıb.

Demək olar ki, bütün etirazçıların tutulduğu bildirilir.

“Çiçəklənən Ermənistan” partiyasının lideri Qagik Tsarukyanın da Milli Təhlükəsizlik Xidmətinə aparıldığı qeyd edilir.



Paylaş: