“Toxun acdan xəbəri yoxdur. Həqiqətən yoxdur. Kim necə yaşayır, yaşasın”

2011-ci ildən bəri əlilliyinə görə 260 manat pensiya alan Əlvan Quliyev ötən ildən bu vəsaitdən məhrum edilib. O deyir ki, onu get-gələ salsalar da, pensiyasını niyə dayandırdıqlarını açıqlamırlar:

Regionxeberleri.com bildirir ki, 2-ci qrup əlil olan Ə.Quliyev səhhətindəki problemlərə görə heç bir fiziki işlə məşğul ola bilmir.

Vətəndaş pensiyasının bərpa edilməsi ilə bağlı Dövlət Tibbi-Sosial Ekspertiza və Reabilitasiya Agentliyinə müraciət etsə də, ona imtina cavabı verilib.

TSEK-dən bildirirlər ki, vətəndaş noyabrın 2-də agentlikdə əyani müayinə edilib. Müayinə nəticəsində Əlvan Quliyevin hazırkı sağlamlıq vəziyyətinin əlillik təyinatına əsas vermədiyi müəyyən edilib. Qurumdan qeyd edilib ki, bu səbəbdən vətəndaşın əvvəlki imtina qərarı qüvvədə saxlanılıb.