İsrail ordusu Qəzza zolağında HƏMAS-ın 10 hədəfini, o cümlədən bir kəşfiyyat qərargahını və radikal hərəkatla əlaqəli iki bankı vurub.

Bu barədə ordunun mətbuat xidməti məlumat yayıb.

“İsrail bir müddət əvvəl HƏMAS terror təşkilatının 10 hədəfinə hücum edib. Hədəflər Qəzza zolağında terror təşkilatı HƏMAS-ın istifadə etdiyi çoxmərtəbəli binalarda olub. Onların arasında terror təşkilatı Həmas-a məxsus kəşfiyyat qərargahı və HƏMAS-ın hava qüvvələrinin istifadə etdiyi hərbi kompleks də var. İsrail ordusu paralel olaraq terrorizm üçün vəsait toplamaq məqsədilə HƏMAS terror təşkilatına aid iki banka hücum edib”, - məlumatda deyilir.

Qeyd olunub ki, İsrail ordusu, həmçinin Qəzza şəhərində İslami Cihad terror təşkilatının hərbi hava qüvvələrinin istifadə etdiyi silah istehsalı obyektinə, silah və hərbi texnika saxlanılan ofis və anbarların yerləşdiyi binaya zərbələr endirib.