Bu gün Avropanın yaşıl meydanlarında bir sıra maraqlı futbol matçları keçiriləcək.

Regionxeberlericom.az xəbər verir ki, İngiltərə Premyer Liqasında iki oyunda dörd xal toplayan “Tottenhem” “Bornmut”un qonağı olacaq. Matç saat 15:30-da (bütün oyunların saatı Bakı vaxtı ilə göstərilib - red.) başlayacaq.

Saat 18:00-da isə daha iki maraqlı qarşılaşma keçiriləcək. Maksimum nəticə ilə davam edən “Arsenal” öz meydanında “Fulhem”i sınağa çəkəcək. Üç xal toplamağı bacarmış “Mançester Yunayted” isə “Nottingem Forest”i qəbul edəcək.

Fransa Liqa 1-də “Marsel” öz meydanında “Brest”lə üz-üzə gələcək. Qarşılaşmanın start fiti saat 21:00-dan səslənəcək. İki matçda cəmi iki xal əldə etmiş PSJ ilk qələbəsini “Lans” üzərində qazanmağa çalışacaq. Son çempionun oyunu saat 23:00-da başlayacaq.

Almaniya Bundesliqasının II turunda Dortmund “Borussiya”sı səfərdə “Boxum”la görüşdə ardıcıl ikinci qələbəsini qazanmağa çalışacaq. Matç saat 17:30-da start götürəcək.

İtaliya A Seriyasında mövsümə qələbə ilə başlayan “Milan” bu dəfə “Torino”nu sınağa çəkəcək. Digər maraqlı qarşılaşmada “Roma” “Verona”nın qonağı olacaq. Hər iki görüş saat 22:45-də başlayacaq.

İspaniya La Liqasında mövsümə uğursuz başlayan, iki oyunda xal qazana bilməyən “Sevilya” “Jirona”nı qəbul edəcək. Oyunun start fiti saat 23:30-da səslənəcək.

Türkiyə Super Liqasında bu gün baş tutmalı olan “Qalatasaray” - “İstanbulspor” matçı “sarı-qırmızılar”ın avrokubok oyunlarına görə təxirə salınıb. “Trabzonspor” - “Rizespor” qarşılaşması isə saat 20:30-da başlayacaq.

Avropada günün maraqlı futbol oyunları

İngiltərə Premyer Liqası

15:30. “Bornmut” - “Tottenhem”

18:00. “Arsenal” - “Fulhem”

18:00. “Mançester Yunayted” - “Nottingem Forest”

Fransa Liqa 1

21:00. “Marsel” - “Brest”

23:00. PSJ - “Lans

Almaniya Bundesliqası

17:30. “Boxum” - “Borussiya” (Dortmund)

İtaliya A Seriyası

22:45. “Milan” - “Torino”

22:45. “Verona” - “Roma”

İspaniya La Liqası

23:30. “Sevilya” - “Jirona”

Türkiyə Super Liqası

20:15. “Trabzonspor” - “Rizespor”