Tehran məhkəməsi azərbaycanlı qadın fəala ağır cəza verib. 

Regionxeberlericom.az “Mouze“ teleqram kanalına istinadən xəbər verir ki, bu haqda İran Təhsil İşçiləri Həmkarlar İttifaqı Təşkilatlarının Koordinasiya Şurası məlumat yayıb.

Məlumata görə, Güney Azərbaycanın Muğan bölgəsindən olan və Tehranda yaşayan müəllimə, ictimai fəal və keçmiş siyasi məhbus Zeynəb Həmrəng yenidən həbs cəzasına məhkum edilib. 

Məlumatda xanım Həmrəngin Tehran İnqilab Məhkəməsi tərəfindən 5 il müddətinə azadlıqdan məhrum edildiyi bildirilir.

Xanım Həmrəng 2020-ci il sentyabrın 5-də Qərbi Azərbaycan əyalətinin Xoy şəhərinə səfəri zamanı təhlükəsizlik orqanları tərəfindən tutulub.