“F-16 döyüş təyyarələrinin Ukraynaya çatdırılması cəbhədəki vəziyyəti kökündən dəyişməyəcək”.

Bunu Kremlin sözçüsü Dmitri Peskov paytaxt Moskvada jurnalistlərə açıqlama verən zaman deyib.

Ukraynaya F-16 döyüş təyyarələrinin tədarükü ehtimalını dəyərləndirən Peskov, “Bu risk göz qabağındadır. Təqdim olunan daha təkmil silah sistemləri və növlərinin sayı artır. Aydındır ki, təyyarələrin də verilməsinə qərar verilib. Digər silah növləri kimi bu da cəbhədəki vəziyyəti kökündən dəyişdirə bilməz”, - deyib.

Peskovun sözlərinə görə, Qərb ölkələri getdikcə münaqişəyə cəlb olunur.