Pakistanın Pəncab əyalətində ölkənin keçmiş baş naziri İmran Xanın tərəfdarları onun saxlanılmasına görə etiraz aksiyaları keçirirlər.

“Agence France-Presse”in polis orqanlarına istinadən yaydığı məlumata görə, etirazlar aksiyalarında 1000-ə yaxın insan saxlanılıb.

“Polis əyalət boyu 945 qanunu pozan şəxsi həbs edib”, - məlumatda bildirilir.

Qeyd olunur ki, hadisələr zamanı 130 məmur və polis əməkdaşı xəsarət alıb.

Xatırladaq ki, mayın 9-da Pakistan hökuməti keçmiş baş nazirin “Əl-Qədir işi” üzrə saxlanıldığını açıqlayıb.