İsrail Müdafiə Nazirliyi Livandan edilən raket hücumları ilə bağlı yazılı açıqlama yayıb.

İsrailin müdafiə naziri Yoav Qallant yüksək səviyyəli hərbçilər və müdafiə rəsmiləri ilə Livandan İsrailə raket hücumlarını müzakirə edib. 

Nazir bildirib ki, son hadisələrlə əlaqədar bütün mümkün variantlara hazır olunsun.

Qeyd edək ki, İsrail ordusu Livandan ölkənin şimal bölgələrinə silsilə raket hücumları həyata keçirildiyini deyib. İsrail Xarici İşlər Nazirliyi hücumda 34 raket atıldığını bildirib.