Təbrizdə daha bir milli fəal saxlanılıb.

Regionxeberlericom.az "MOUZE" teleqram kanalına istinadən xəbər verir ki, Təbrizdə yaşayan milli fəal Əmir Səttari yanvarın 17-də həbs edilib.

Əmir Səttari daha öncə Təbriz 2-ci Cinayət Məhkəməsinin 111-ci şöbəsi tərəfindən "sosial mediada telekommunikasiya sistemləri vasitəsilə insanları zorakı hərəkətlərə təhrik və dəvət etmək" ittihamı ilə günahkar bilinərək 91 gün həbs cəzası və 4 milyon tümən cərimə ödəməyə məhkum edilmişdi.

Əmir Səttari ötən il avqustun 11-də Təbrizin mərkəzi zindanına köçürülmüş və 15 avqustda girov qarşılığında müvəqqəti olaraq məhkəməyə qədər sərbəst buraxılmışdı.