Futbolun əfsanəsi hesab olunan üçqat dünya çempionu Pele dünyanın ən hündür qəbiristanlığında - “Memorial Necropole Ecumenica”da dəfn ediləcək.

“Bild” nəşrI bildirir ki, 14 mərtəbəli qəbiristanlıq Pelenin doğulduğu Santos şəhərində yerləşir. Əfsanəvi futbolçu ölümündən sonra “Memorial Necropole Ecumenica”da dəfn olunmaq arzusunu özü bildirib.

Dünyanın ən hündür qəbiristanlığı olaraq “Ginnesin Rekordlar Kitabı”na daxil olan “Necropole Ecumenica”da 16 000 məzar var.

Qeyd edək ki, Pelenin ölümü ilə bağlı Braziliyada üç günlük matəm elan edilib. Santosda son vida mərasimi sabah - yanvarın 2-də başlayacaq, dəfn mərasimi isə yanvarın 3-də olacaq.