Rusiya Kaluqa vilayətində “Yars” qitələrarası ballistik raket kompleksini atəş şaxtasına yerləşdirib.

Regionxeberlericom.az TASS-a istinadən xəbər verir ki, bu barədə məlumatı Rusiya Müdafiə Nazirliyi yayıb.

Məlumata görə, raketin yerləşdirilməsi xüsusi nəqliyyat-yükləmə texnikasının köməkliyi ilə həyata keçirilib. Proses bir neçə saat ərzində baş tutub.

Qeyd olunur ki, sözügedən əməliyyatın əhəmiyyəti ondan ibarətdir ki, daha bir raket planlaşdırılmış müddətdə döyüş növbətçiliyində hazır olacaq.