İraqın paytaxtı Bağdadda hökumət binaları və xarici ölkələrin təmsilçiliklərinin yerləşdiyi “Yaşıl bölgə” adlanan ərazi artilleriya atəşinə tutulub.

"Aljazeera" xəbər verir ki, İraq rəsmiləri ABŞ-ın Bağdaddakı səfirliyinin yaxınlığındakı yaşayış kompleksinə raket zərbəsi endirməsi nəticəsində iki mülki vətəndaşın yaralandığını bildirib.

İraq ordusunun bəyanatında deyilir ki, raketlər Bağdadın Dora məhəlləsindən atılıb. Yaşıl Zona ABŞ səfirliyi və baş nazirin evi də daxil olmaqla əksər xarici diplomatik nümayəndəliklərə ev sahibliyi edir. 

Qeyd edək ki, oktyabrın 13-də İraq parlamentində prezident seçkisi keçiriləcək.