Ukraynanın Zaporojya şəhərindəki xəstəxananın ətrafında rusların qurduqları bubi tələsini bir keçi işə salıb. Nəticədə baş verən partlayışda ən azı 40 rus əsgəri yaralanıb.

Regionxeberleri.com AzVision.az-a istinadən xəbər verir ki, bu barədə məlumatı Ukrayna kəşfiyyatı açıqlayıb və bu gün dünya mətbuatının manşetinə düşüb.

Ukraynanın Baş Kəşfiyyat İdarəsi bildirib ki, rus qoşunları yerli xəstəxananın ətrafına əl bombaları yerləşdirib və tələni “dairəvi müdafiə” kimi dizayn ediblər. Kinski Rozdorı kəndindəki fermadan qaçan keçi tələni işə salarkən rus qoşunları hələ tətik naqili çəkirdi. Beləliklə, zəncirvari reaksiya yaranaraq onlarla əsgərin yaralanıb.

Keçinin aqibəti bilinmir. Lakin sosial şəbəkədə xəbərin yayaılması ilə heyvan "Kiyev keçisi" adlandırılmağa başlanıb.