Rusiya Londonun sanksiyalarına cavab olaraq Britaniya hökumətinin əsas üzvlərini və bir sıra siyasi xadimləri, o cümlədən baş nazir Boris Conson və xarici işlər naziri Elizabeth Trussı “qara siyahı”ya daxil edib. 

Bu barədə Rusiya Xarici İşlər Nazirliyinin saytında məlumat verilib.

Bəyanata hazırda Rusiya Federasiyasına girişi qadağan edilən Britaniya vətəndaşlarının siyahısı da əlavə edilib. Onların arasında Baş nazir Boris Conson, xarici işlər naziri Elizabet Truss, müdafiə naziri Ben Uolles də var. Daha sonra Baş nazirin müavini, ədliyyə naziri Dominik Raab, maliyyə naziri Rişi Sunak, daxili işlər naziri Priti Patelin də adları keçir.