"Yuventus"un (İtaliya) və Portuqaliya yığmasının futbolçusu Kriştiano Ronaldo koronavirusla mübarizəyə dəstək vermək qərarına gəlib.
Hücumçu tibb müəssisələrinə dərman və digər lazımlı vasitələr alacağını bildirib.

Bundan əvvəl 35 yaşlı oyunçunun agenti Jorje Mendeş də eyni addımı atıb. J.Mendeş Portuqaliya xəstəxanalarına dərman, tibbi xalat və maskalar göndərib.

Qeyd edək ki, K.Ronaldo hazırda Portuqaliyadadır. O, virusun İtaliyada yayılmasının qarşısı alınana qədər ora dönmək niyyətində deyil.


Paylaş: