“4 milyon tikilidə ümumilikdə 13,5 milyon nəfər zəlzələdən təsirlənib. Rəsmi olaraq 6000 deyilsə də, 11 302 tikilinin çökdüyü təxmin edilir. Xilasedicilərin sayı 2400 nəfərə çatıb. Zəlzələnin baş verdiyi ərazilərə 10 gəmi, 54 helikopter, 85 yemək bişirən maşın və tikinti texnikası cəlb olunub”.
Bu barədə məşhur geofizik Övgün Ahmet Ercan Türkiyədəki mövcud vəziyyəti şərh edərkən məlumat verib.
“Dağıntılar altında 194 min insan var. Onlardan yalnız 8000 nəfəri xilas edilib. Havanın temperaturu -5 dərəcədir”, - professor bildirib.
Qeyd edək ki, fevralın 6-da Türkiyədə baş verən zəlzələlər nəticəsində son məlumatlara görə 3432 nəfər vəfat edib, 21 103 nəfər xəsarət alıb.