Uqandada yaşayan 67 yaşlı fermerin 12 arvadı, 102 uşağı və 568 nəvəsi var. İlk evliliyini 16 yaşında edən kişi dolanışığın bahalığından şikayətlənərək xanımlarına maraqlı göstəriş verib.

“Yeni Gundem”-in məlumatına görə, Uqandanın Bugisa şəhərində yaşayan 67 yaşlı fermer Musa Hasahya bir anda bütün dünyanın marağına səbəb olub.

Hasahya ilk dəfə 1971-ci ildə 16 yaşında ailə qurub, iki ildən sonra bir qızı dünyaya gəlib.

Sonra ailəsini genişləndirmək istəyən kişi evləndikdən sonra təkrar evlənib və kiçik bir tayfaya bənzəyən ailəsi olub.

12 yataq otaqlı böyük evdə yaşayan Hasahyanın açıqlamaları bir anda gündəmə gəlib.

Hasahya övladlarını nəvələrindən ayıra bilsə də, etiraf edib ki, hər birinin adını yadında saxlamaqda çətinlik çəkir.

Bundan sonra ailəsində hər hansı bir genişlənmənin öhdəsindən gələ bilməyəcəyini deyən Hasahya uşaq dünyaya gətirmək iqtidarında olan bütün həyat yoldaşlarına göstəriş verib ki, onlar ailə planlamasına müraciət etsin.