"Tesla" şirkəti Optimus adlı insanabənzər robotun təqdimetmə mərasimini keçirib.

Səhnəyə çıxan robot əvvəlcə tamaşaçıları əl yelləyərək salamlayıb, daha sonra rəqs edib.

Təqdimetmə mərasimində robotun qutunu qaldırmasını və bitki sulamasını əks etdirən kadrlar paylaşılıb.

Süni intellektli robot "Tesla" mühəndislərinin təklif etdiyi kobud prototiplə ilk mərhələdə görünsə də, şirkətin milyarder sahibi İlon Mask robotu ən qısa zamanda çoxfunksiyalı və ucuz qiymətə hazırlamağı planladığını açıqlayıb.

"Optimus çox bacarıqlı bir robot kimi hazırlanıb, lakin onun bir avtomobildən də ucuz başa gələcəyi gözlənilir", - deyə Mask bildirib.