“Biliyin qiymətləndirilməsi üçün istifadə edilən həm meyar, həm də metodika çox qüsurludur. Qiymətləndirmə aləti qüsurludursa, nəticə uğursuz olar”.

Bu fikirləri Bakupost.az -a açıqlamasında Əməkdar elm xadimi, professor Şahlar Əsgərov deyib.

Onun sözlərinə görə, qiymətləndirmə zamanı həm doğru, həm də səhv cavabları nəzərə almaqla ideal məktəb qurmaq olar:

"İdeal məktəbin hədəfi məlumdur. Belə məktəblər üçün a = 100 faiz olmalıdır. Ancaq ənənəvi təhsil sistemlərinin yaratdığı pedoqoji mühit öyrənə bilənləri öyrədir. Fərdlərin əlaçı, olimpiada çepionu olması və ya qızil medal alması lokal olaraq yaxşıdır, ancaq qlobal olaraq az əhəmiyyətlidir. Onların təhsil uğurları ölkədən, məktəbdən az asılıdır, özləri ilə bağlıdır. Böyük təhsil bilicisi Andreas Şleyxer hesab edir ki, “ən əlverişsiz məktəbdə belə mükəmməl gənc yetişə bilər”. Bir çox pedaqoqlar hesab edir ki, hər uşaq anadan dahi doğulur. Yaşam mühitindən asılı olaraq, o, dahi kimi yetişə də bilər, yetişməyə də bilər. Çünki onların bir qismi təbiət hadisəsidir, harda olsa parlayacaq. Dövlət məmurları parlaq öyrəncilərin uğuru ilə özlərini aldatmamalıdırlar. Çağdaş təhsil sistemi hamının öyrənə biləcək pedoqoji mühit yaratmağa çalışmalıdır”.