“Visa” və “Mastercard” Rusiyada fəaliyyətini dayandırıb.

Bundan sonra Rusiya Mərkəzi Bankı məlumat yayıb və ölkə vətəndaşlarına xaricə nağd pul götürməyi tövsiyə edib.

Qeyd olunub ki, yerli sistemin kartları yalnız aşağıdakı 7 ölkədə qəbul olunacaq.

Türkiyə, Vyetnam, Ermənistan, Belarus, Qazaxıstan, Qırğızıstan, Tacikistandır

Rusiya Mərkəzi Bankı siyahıya qondarma Cənubi Osetiya və Abxaziyanı da əlavə edib.

Qeyd olunub ki, Rusiya bankları tərəfindən buraxılmış bütün “Visa” və “Mastercard” beynəlxalq ödəniş sistemləri kartları Rusiyada müddəti bitənə qədər adi qaydada fəaliyyətini davam etdirəcək:

“Onlar üzrə əməliyyatlar ölkə daxilində Milli Ödəniş Kartı Sistemində həyata keçirilir və sanksiyalar onlara təsir göstərmir. Xaricə səfər zamanı nağd pul və “Mir” kartını qəbul edildiyi ölkələr üçün özünüzlə götürmək tövsiyə olunur”.