Dünyanın bir nömrəli raketka ustası, rusiyalı tennisçi Daniil Medvedev instaqram hesabından Rusiya bayrağının fotosunu silib.

Rusiyalı tennisçinin profilində bütün məlumatları olduğu kimi qalsa da, ölkəsinin bayrağı silinib.

Medvedevin bu addımı sosial şəbəkələrdə müzakirələrə səbəb olub. Bəzi azarkeşlər Medvedevin bunu Rusiyanın Ukraynaya hücumundan sonra etdiyini bildiriblər.

Qeyd edək ki, rusiyalı raketka ustası fevralın 28-də 20 qat Böyük Dəbilqə çempionu serbiyalı həmkarı Novak Cokoviçi qabaqlayaraq karyerasında ilk dəfə ATP reytinqində birinci yerdə qərarlaşıb.